16

ان میں سے کوئی موبائل ایپ آپ کے فون میں ہے تو فوری ڈیلیٹ کردیں

نیویارک(مانیٹرنگ ڈیسک) رواں ہفتہ اینڈرائیڈ صارفین کے لیے کچھ اچھا نہیں رہا۔ پہلے انہیں بتایا گیا کہ ان کے واٹس ایپ میسجز ان کو علم ہوئے بغیر پڑھے جا سکتے ہیں اور یہ ایک ایسے ہیک کی بدولت ممکن ہوتا ہے جو واٹس ایپ کی اینڈرائیڈ ایپلی کیشن میں موجود ہے۔ ابھی اینڈرائیڈ صارفین اسی پر متفکر تھے کہ اب انہیں30مزید ایسی ایپلی کیشنز کے بارے میں وارننگ دے دی گئی ہے جو خطرناک ’ایڈویئر‘ کی حامل ہیں اور انہیں تلقین کی گئی ہے کہ فوری طور پر ان ایپلی کیشنز کو اپنے فون سے ڈیلیٹ کر دیں۔ برطانوی اخبار دی ایکسپریس کے مطابق ان 30ایپلی کیشنز کی فہرست درج ذیل ہے۔

Super Mark

Glitch Lens – Vaporwave & Ghost Photo Editor

Multi Apps – Multiple Accounts simultaneously

Pretty Makerup Photo

Rhythm Camera

First Camera HD

Reflex Camera HD

Qing Camera

Magnifying Pro

Super Magnifier Lite

Photo Blur

Blur Image

Age Face

Color Splash Photo Effect

Galaxy Overlay

Flash On Calls & Messages

Read QR Code

Imagine Magic

Generate Elves

Savexpense

QR Artifact

Find Your Phone : Whistle

Scavenger – – – speed guard

Auto Cut Out Pro

Background Cut Out

Photo Background

ImageProcessing

Background Cut Out New

Auto Cut Out

Auto Cut Out 2019

ان ایپلی کیشنز میں سے کئی بہت مقبول ہیں اور مجموعی طور پر گوگل پلے سٹور سے انہیں 25لاکھ سے زائد بار ڈاﺅن لوڈ کیا جا چکا ہے۔ یہ نہ صرف دھوکہ دینے والے ایڈویئر کی حامل ہیں بلکہ آپ کے فون اور ٹیبلیٹ میں خود کو چھپا بھی سکتی ہیں تاکہ صارفین کو یہ بھی یاد نہ رہے کہ انہوں نے کبھی ایسی کوئی ایپلی کیشن انسٹال کی تھی۔ یہی نہیں بلکہ اس سے بھی خوفناک بات یہ ہے کہ ان میں سے کچھ ایپلی کیشنز اپنا روپ بدل لیتی ہیں اور خود کو فون کی سسٹم ایپلی کیشن کی شکل دے لیتی ہیں تاکہ صارفین انہیں ڈیلیٹ کرنے کی جرا¿ت نہ کریں۔ سائبر سکیورٹی ماہرین کا کہنا ہے کہ جس کسی اینڈرائیڈ صارف کے فون میں ان میں سے کوئی ایپلی کیشن ہے اسے تلاش کرکے فوری طور پر ڈیلیٹ کر دیں ورنہ یہ آپ کو بڑے نقصان سے دوچار کر سکتی ہیں۔

اپنا تبصرہ بھیجیں